हिंदुस्तानातील मराठे आणि त्यांनी स्थापन केलेले मराठा साम्राज्य याचा शोध भाग ३००

हिंदुस्तानातील मराठे आणि त्यांनी स्थापन केलेले मराठा साम्राज्य याचा शोध
भाग ३००

संभाजी राजे संपूर्ण दक्षिण दिग्वीजयी मोहीमेवर होते . त्यामुळे ते फक्त श्रीरंग पट्टण चा पाषाणकोट जिंकुन थांबले नाहीत . विजयी घोडदौड वेगाने करीत राजांनी म्हैसूर , कर्नाटक , तामिळ प्रांततील एकूण 22 किल्ले एका पाठोपाठ मराठा साम्राज्याला जोडले . धर्मपुरी , होसूर , मदुरा , जिंजी , वेल्लूर पर्यंत मराठ्यांची घोडी भिडली. अनेक ठिकाणाहून खंडण्या गोळा होऊ लागल्या .संभाजी राजांची दहशत एवढी बसली होती की आक्रमण करण्या अगोदरच त्या ठिकाणचा राजा शरण येत होता . मोठ्या प्रमाणात निधी उपलब्ध होत होता . व तो क्रमाक्रमाने रायगडाकडे पाठवला जात होता . म्हैसूरकरांचा पुरता माज मोडण्याचा इरादा महाराजांचा होता . तिलुगा , कोडग , मलायला , अशा अनेक दख्खनी राजांनी म्हैसूरकरांची साथ सोडली व ते शंभू राजांना येऊन मिळाले .
जय
रणधूरंदर