हिंदुस्तानातील मराठे आणि त्यांनी स्थापन केलेले मराठा साम्राज्य याचा शोध
भाग २७६
रामसेजचा ऐतिहासिक लढा
इकडे नासिकच्या जवळ असलेल्या रामसेज किल्ल्याला मोघल सेनानी शहाबुद्दीनखानने वेढा दिला होता.औरंगजेबला वाटले की काही तासातच किल्ला पडेल पण किल्ला जिंकायला त्याला तब्बल साडेसहा वर्षे लागली.या कालावधीत त्यांने वेगवेगळे सेनानी किल्ला जिंकावयास पाठविले.रामसेजचा किल्लेदार सुर्याजी जेधे हा मोठा पराक्रमी होता.मराठ्यांनी हा किल्ला झुंजवत ठेवला.किल्ल्याला घातलेला वेढा मारण्यासाठी रूपाजी भोसले,मानाजी मोरे,हंबीरमामा यांना संभाजीराजेंनी पाठविले.या कालावधीत स्वत: संभाजीराजे यांनी किल्ल्यावर रसद पुरविली.अखेरीस किल्ल्यावरची रसद संपल्यामुळे मराठ्यांनी किल्ला सोडून दिला.
याच सुमारास संभाजीराजेंनी गोव्याचे पोर्तुगीज आणि म्हैसूरचा चिक्कदेवराय यांच्याविरूध्द आघाडी उघडण्याचा निर्णय घेतला.मराठ्यांचे राज्य जिंकण्यास येत असलेल्या अपयशामुळे औरंगजेबने आदिलशाही जिंकून घेण्याचा विचार केला.
रामसेजचा ऐतिहासिक किल्ला
No comments:
Post a Comment