हिंदुस्तानातील मराठे आणि त्यांनी स्थापन केलेले मराठा साम्राज्य याचा शोध भाग २२७

 हिंदुस्तानातील मराठे आणि त्यांनी स्थापन केलेले मराठा साम्राज्य याचा शोध
भाग २२७
हा मराठा सरदार ठरवायचा दिल्लीचा बादशहा, पानीपतनंतर पुन्हा मिळवून दिली प्रतिष्ठा
भाग २

महादजी यांच्या कारकिर्दीतील महत्त्वाचे टप्पे...
केवळ उत्तरेवर वर्चस्व मिळवून न थांबता महादजी यांनी उत्तरेत तळ ठोकला होता. त्यामुळेच उत्तरेतील मराठी सत्तेचा निर्माता म्हणूनही त्यांन ओळखले जाते. केवळ शूर आणि कर्तृत्त्ववान नव्हे तर तेवढाच मुत्सद्दी सरदार अशीही महादजी शिंदे यांची ओळख होती. त्यामुळेच बादशहा शहाआलम (दुसरा) याने महादजी यांना वकिल-ए-मुतालिक यासह अनेक मानाच्या पदव्या आणि मानाची वस्त्रे बहाल केली होती.
स्वकीय शत्रूबरोबरच परकीय म्हणजेच इंग्रजांबरोबरही त्यांनी योजनाबद्धरित्या लढा दिला होता. इंग्रजांबरोबरच्या युद्धांमध्ये नेहमीच महादजी वरचढ ठरल्याचे दिसून आले. त्यामुळेच महादजी यांनी इंग्रजांना सालबाईचा तह (1782) करण्यास भाग पाडले होते.